Monumint sigeuners yn Drachten

© Omrop Fryslân
Drachten krijt in monumint foar sigeuners dy't yn de Twadde Wrâldoarloch om it libben brocht binne. Yn de oarloch hiene de Dútsers it foarsjoen op de sigeuners, lykas op de joaden.
It monumint komt yn Drachten op spesiaal fersyk fan de famylje Mirosch. Albert Mirosch, better bekend as de Zwarte Baby, hat syn heit, mem en fiif susters ferlern yn de oarloch. Sy binne fermoarde yn Auschwitz.