'Ryk hannelet net suver'
De manier wêrop it Ryk de ôfrûne tiid oermachtich optreedt, is net hielendal suver. Dat sei boargemaster De Jonge fan it Hearrenfean tiisdei yn syn nijjierstaspraak. Hy doelt dêrmei op de gong fan saken by de gefangenis op Schiphol en de beammekaap by Schinveld.
Yn beide gefallen passearde de lanlike oerheid besluten dy't op gemeentlik nivo nommen wiene. Dat is net gebrûklik en gemeenten wurde sa yn har bestjoer beheind, sa sei De Jonge.
