Unrêst by leden Waadferiening
In groep ferûntrêste leden fan de Waadferiening fynt dat de nije foarsitter Leendert Bikker ôftrede moat. Wurdfierder Wietske Jonker seit dat Bikker direkteur is fan dubieuze BV's.
Boppedat soe er mei syn reklame-advysburo konneksjes hawwe mei multinationals en organisaasjes dy't net echt miljeufreonlik binne. De leden fine dat Bikker dêrom gjin foarsitter fan in miljeuferiening wêze kin.