Nij literêr tydskrift Go-Gol
Fryslân krijt in nij literêr tydskrift mei de namme Go-Gol. Dy stiet foar aventuer, ferdjipping en yndividualisme. It tydskrift wol omtinken jaan oan essays, poezij en 'mear ôfwikend kompleks proaza'.
Fierder jout it tydskrift omtinken oan 'de spannende ferhâldings tusken literatuer en media en de ferhâldings yn de Fryske mediawrâld'. De redaksje bestiet út Elske Schotanus, Huub Mous, Goaitsen Andringa en Eeltsje Hettinga.
