Mulder: sels beslisse oer Frysk
As de provinsje de posysje fan it Frysk yn stân hâlde of ferbetterje sil, dan moat de provinsje der ek besluten oer nimme kinne. Dat seit deputearre Bertus Mulder.
It is op dit stuit sa dat de provinsje wol ferantwurdlik is foar bygelyks it Frysk yn it ûnderwiis, mar dat it der eins neat oer te sizzen hat. De provinsje hat by minister Remkes fan binnenlânske saken oanjûn dat dat oars moat.
