3-talige skoallen dogge it goed
It giet goed mei de taalûntwikkeling fan 'e bern op de sân trijetalige basisskoallen yn Fryslân. Op Nederlânske taaltests skoare de bern likegoed of sels better as bern dy't op in Nederlânsktalige skoalle sitte. Op Fryske tests skoare de bern folle better; ek Nederlânsktalige bern leare goed Frysk op in trijetalige skoalle.
Jehannes Ytsma fan 'e Fryske Akademy makke de resultaten tongersdei bekend op it Mercator Sympoasium.
