Saak âld-pensionhâldster Eanjum

© Omrop Fryslân
Saakkundigen binne it net iens oer de kâns dat âld-pensionhâldster Marianne van der E. fan Eanjum noch mear minsken fermoardzje sil. De pensionhâldster fermoarde yn 1997 de doe 26-jierrige Louw de Jong en de 38-jierrige Hermanus Sonnemans.
Se waard ta 6 jier sel en tbs feroardiele. De rjochtbank moat oer twa wike in beslút nimme oer de ferlinging fan har tbs. Van der E. seit sels ûnskuldich te wêzen.