Tolve himpkwekerijen oprôle
De plysje hat tongersdeitemoarn tolve himpkwekerijen oprôle yn de wyk Wielepôle yn Ljouwert. Ek binne der sân fertochten oanhâlden. Om acht oere moarns waard begûn mei de roai-aksje. Dêrby waard it gebied achter it Miro-terrein hermetysk ôfsletten en is alle ferkear kontrolearre.
De plysje sette sawat 100 minsken yn. Oanlieding wie in tip fan Essent. It enerzjyferbrûk soe ekstreem heech wêze yn de wyk.