Dokkum stipet oanskaf MRI-scan

10 mrt 2004 - 00:00

Dongeradiel stelt 25.000 euro beskikber foar in MRI-scan foar sikehûs Talma Sionsberg yn Dokkum. It streeksikehûs kin de hege kosten foar it apparaat sels net opbringe. It sikehûs mei net folle eigen fermogen opbouwe foar grutte ynvestearrings. Dêrom is in kampanje begûn.

Bedriuwen, ynstellings, partikulieren en gemeenten binne frege om stipe. B en W fan Dongeradiel fine de MRI-scan fan grut belang foar de regio.

Trefwurden: 
argyf
Diel dit berjocht op:
(advertinsje)
(advertinsje)