Hast al it fuotbal ôflast
Hast al it amateurfuotbal foar dit wykein is ôflast, mar der binne in pear útsûnderingen. De derby fan Ljouwerter Sweltsjes tsjin de Drachtster Boys yn 'e earste klasse E gong sneon wol troch. Itselde jilde foar SC Feanwâlden tsjin Súdhorn yn 'e fjirde klasse B.
Foar snein is al it amateurfuotbal yn it distrikt noard ôflast. Ek it haadklasseduel De Bataven - De Jouwer giet net troch.
