Unrêst op camping Het Goudmeer

© Omrop Fryslân
Under de 60 fêste kampearders fan Campingpark Het Goudmeer yn Easterwâlde is grutte ûnrêst ûntstien. De camping is ferline wike oernaam troch 'D en D Recreatie- ontwikkeling' út Eefde.
Alle kampearders hawwe in brief krigen dat de camping it kommende jier ûntromme wurde moat. Guon gasten steane der al 25 jier. De nije eigner wol der lúkse chalets op bouwe mei aardich wat grûn derby. It 5-stjerrepark moat yn 2005 klear wêze.