Gothtronic in sfearfol súkses
It festival Gothtronic yn skouboarch De Harmonie yn Ljouwert wie sneontejûn in grut súkses. De organisaasje is tefreden oer it tal besikers, dy't meast hielendal yn gothic-styl op it festival ôfkamen. In ferfolch wurdt net útsluten.
Op Gothtronic spilen bands út de gothic, wave en elektro-hoeke. Der fûn ek in houlik plak. In Dúts stel hie it festival as troulokaasje útkeazen om't se fans binne fan de band VNV Nation.