De hynstebiter slacht ta

© Omrop Fryslân
Hynders hawwe dit jier ekstreem folle lêst fan dazen oftewol hynstebiters. Dat is it gefolch fan it fochtige en waarme waar. Hynders mei in protte fan dizze ynsekten wurde ûnhandelber.
Hynstebiters komme yn aksje at de hynders switterich wurde. Se sykje dan in plakje út om fûl te stekken. Guon maneezjes ride dêrom middeis sa min mooglik bûtendoar.