Oanpak oerlêst hoareka Dokkum
De oerlêst fan de hoareka yn Dokkum sil oanpakt wurde. Dat hat it kolleezje fan B&W fan Dongeradiel tongersdeitejûn wite litten. By de plysje sil ûndersocht wurde oft der mear plysje-ynset mooglik is.
Ek sil de gemeente oerlizze mei de hoareka-ûndernimmers. Foar de wat langere termyn komt der in nij hoarekabelied. Dêrby sil ek sjoen wurde nei in ferpleatsing fan hoareka út it sintrum.
