Arend Glas yn opspraak

15 jannewaris 2002, 00:00 • 1 minút lêstiid

Bobslydjeier Arend Glas fan De Jouwer is yn opspraak brocht troch in boek fan 'e antifaksistyske ûndersyksgroep Kafka. Neffens Kafka hat Glas yn 1993 lid west fan 'e ekstreem-rjochtse partij CP'86, dy't no ferbean is.

Sportkoepel NOCNSF en it bobslidebûn ûndersykje de saak. Stjoerman Glas fan it Nederlânsk bobslideteam kin him dit wykein pleatse foar Salt Lake City.