Ljouwerter Krante oeren te let
Troch in slimme steuring mei de parse is de Ljouwerter Krante tongersdei 5 oeren te let ferskynd. De krante hat om dy reden de ferskate edysjes yninoar skood.
In soad abonnees sille de krante net earder krije as yn 'e rin fan 'e jûn. It eilân Flylân moat it tongersdei sels sûnder LC dwaan, de krante kaam te let foar de lêste boat. De krante krige in soad telefoantsjes fan abonnee's.
