Rektifikaasje plysje oer ûngelok Ofslútdyk

12 jul 2015 - 09:22

It ûngelok, freedtejûn op de Ofslútdyk, is net feroarsake troch in frou út Amsterdam, mar troch in frou fan De Jouwer. De plysje hat dit hjoed bekendmakke; se hiene troch fersin de gegevens fan de belutsen persoanen ferwiksele. Earst hie de plysje melden dat in 36-jierrige frou út Amsterdam te let wie mei remjen en op har foargonger botste. Mar it wie in 44-jierrige frou fan De Jouwer dy't achteroan ried en te let seach dat se ôfremje moast. Dizze frou en har 13-jierrige dochter rekken beide ferwûne.

Ek de ynsittenden fan de oare auto moasten mei ferwûnings nei it sikehûs. Njonken de 36-jierrige bestjoerster wiene dat har man fan 41 jier, harren 2-jierrige dochter en in lytse poppe.

Diel dit berjocht op:
(advertinsje)