Jeugd út Surhústerfean striidt yn 'Sirkelslag'

Goed tritich jongeren út Surhústerfean striden it ôfrûne wykein yn it spul 'Sirkelslag' foar it wolwêzen fan bern yn Yndia. Jongeren moatte yn it spul ferskate opdrachten útfiere, lykas foto's meitsje of in feiling foar it goede doel opsette. Sirkelslag is in lanlike striid foar it goede doel, dêr't elk jier sa'n 7000 jongeren út hiel Nederlân oan meidogge. Dit jier binne dat der 1000 mear as ferline jier. It evenemint wurdt organisseare troch JOP, de jeugdorganisaasje fan de protestantske tsjerke en Kerk in Actie.
Under lieding fan KRO-NCRV presintator Klaas van Kruistum fiere mear as 600 jeugdgroepen yn hiel Nederlân opdrachten út. Hjirmei wol de organisaasje maatskiplike tema's op in leuke wize ûnder de oandacht bringe fan jongeren.