Gjin skaal foar UNIS Flyers
De iishockeyers fan de UNIS Flyers binne der snein net yn slagge de Ron Berteling skaal te pakken. Ek de twadde wedstriid tsjin Destil Trappers Tilburg waard ferlern mei 3-2. Sneontejûn ferlearen de Flyers op eigen iis al mei 4-2. Dêrmei gong de supercup fan it iishockey mei 7-4 nei de Brabanners.
Yn Tilburg iepene Levi Houkes snein de skoare. Yn de slotsekonden fan de earste perioade kaam Tilburg op 1-1. Yn de twadde perioade naam de thúsploech de lieding oer wêrnei't se yn de tredde perioade de 3-1 makken. Houkes tekene foar de einstân.
Sneon 11 oktober spylje de iishockeyers fan UNIS Flyers op eigen iis harren earste bekerwedstriid tsjin LACO Eaters Limburg.
