Giftige ferve op fleanbasis

10 sep 2014 - 17:47

Op de fleanbasis fan Ljouwert is ek mei giftige ferve wurke. Dat meldt de NOS op basis fan arbo-rapporten. Der wie oant no ta fan útgien dat meiwurkers fan definsje op fiif NAVO-wurkplakken bleatsteld binne oan de ferve, mar no komme dêr noch tsien lokaasjes by, wêrûnder de Ljouwerter fleanbasis.

Yn de ferve sit it kankerferwekkende chroom-6. De rapporten fan de arbo binne opsteld yn de jierren 1999-2001.

Foarsitter Jean Debie fan it Fakbûn foar Definsjepersoniel ropt meiwurkers fan de fleanbasis Ljouwert dy't tusken 1999 en 2002 F16's ûnderhâlden hawwe op om har te melden.

Diel dit berjocht op:
(advertinsje)
(advertinsje)