Swarte dei foar Achtkarspelen

21 maaie 2014 - 19:18

'It is swarte dei foar de gemeente Achtkarspelen,' dat sei boargemaster Gerben Gerbrandy op in parsekonferinsje oer it ûngelok yn Twizel. Dêr ferstoar in famke by in kuorbaltoernoai neidat in dug-out ynstoarte. Fjouwer bern rekken ferwûne, wêrfan ien swier.

Alle slachtoffers sitte yn groep 6 fan basisskoalle De Bernebrêge yn Surhústerfean. Se binne 9 en 10 jier. De bern binne nei sikehûzen yn Ljouwert, Dokkum en Grins brocht.

Tongersdei hâldt de gemeente twa ynformaasjebyienkomsten. De earste is moarns op de skoalle yn Surhústerfean.

Diel dit berjocht op:
(advertinsje)
(advertinsje)