Fryslân hellet titel KH2018 op

21 maaie 2014, 06:12 • 1 minút lêstiid

In delegaasje fan KH2018 wie al earder yn Brussel

Ljouwert Kulturele Haadstêd fan Europa 2018

Diff treedt op by delegaasje KH2018 yn Brussel

In delegaasje fan mear as hûndert minsken út Fryslân is woansdei nei Brussel om de titel Kulturele Haadstêd 2018 offisjeel yn ûntfangst te nimmen. Dat kin as minister Jet Bussemaker dêr Ljouwert as kulturele haadstêd foardroegen hat by de Europeeske ried foar Underwiissaken, Jongerein, Sport en Kultuer, dy't woansdei yn Brussel in gearkomste hat. Dy ried sil dan nei it pleit fan minister Bussemaker de titel definityf oan de Fryske haadstêd tawize. Ljouwert is mei in swiere delegaasje nei Brussel om bliidskip en ambysje sjen te litten.

Iris Kroes en de band Diff sille de kulturele demonstraasje muzikaal stypje. It bidboek mei alle aktiviteiten dy't yn 2018 plakhawwe sille, is lykwols noch net kompleet. Oant septimber dit jier kinne minsken dêrfoar noch projekten by de organisaasje yntsjinje.