Brêgen hiele dei betsjinne

De provinsjale brêgen en slûzen kinne tenei de hiele dei iepen. De brêgewippers en slûswachters hawwe gjin skoft mear tusken de middei. Dat is mei harren ôfpraat. Se moatte no mear oeren wurkje, mar dat is gjin probleem, seit deputearre Poepjes. It kostet de provinsje in pear tûzen euro, mar de foardielen binne neffens har grut: gjin wachttiden mear by brêgen en slûzen en in goede promoasje foar de provinsje.