Gearwurking waadgidsopliedings

Acht waadrinorganisaasjes ha inoar fûn as it giet om it fersoargjen fan in oplieding foar waadgidsen. Oant no ta diene sy dat apart op acht ferskate lokaasjes, mar dat feroaret en dat is goed foar de feiligens, seit foarsitter Sytze Bouma fan Wadloopcentrum Fryslân. Ek kostet it minder tiid en enerzjy. It giet foarearst allinnich om it teoretyske part fan de oplieding. De acht organisaasjes bliuwe sels ferantwurdlik foar de praktyktraining.