Mei kano lâns 11stêden foar SR

20 desimber 2013, 11:07 • 1 minút lêstiid

Kanofarre foar Serious Request © Omrop Fryslân, Onno Falkena

Fjouwer kanofarders begjinne sneontemoarn yn Ljouwert oan in non-stop Alvestêdetocht foar Serious Request. Nei sa'n 36 oeren kanofarren, hoopje se sneintejûn wer yn Ljouwert werom te wêzen. De fjouwer maraton-kanofarders binne Marion Makelaar, Paul de Haas, Kees Post en Hielke Hylkema.

Hielke Hylkema is persoanlik tige motivearre foar it goeie doel. Hy hat in skoft yn Fayoum yn Egypte wurke oan in skjin drinkwetterprojekt.