Chorneyko fuort by UNIS Flyers

22 oktober 2013, 07:47 • 1 minút lêstiid

Adam Chorneyko fuort by UNIS Flyers © Nicolien Sijtsema Fotografie.

Iishockeyklup UNIS Flyers fan It Hearrenfean ferbrekt it kontrakt mei Adam Chorneyko. Reden is dat de Kanadees it nivo net oan kin. Chorneyko is yn de simmer by UNIS Flyers kaam en spile earder in oantal sterke seizoenen yn Amearika. Adam Chorneyko hat fiif wedstriden spile foar UNIS Flyers en skoarde ien kear. De klup sil op syk nei in ferfanger.