Harkemase Boys wint mei 1-0

© Omrop Fryslân
Yn in drege wedstriid hat Harkemase Boys sneon wichtige punten pakt tsjin Excelsior '31. Yn Rijssen sleepten de Harkiten yn de lêste minút de 1-0 oerwinning binnen. De winnende treffer kaam fan de foet fan ynfaller Rob van Bunderen, dy't mei syn earste balkontakt de Harkiten de fjirde oerwinning fan it seizoen besoarge. Trije punten dy't it team fan trainer Robert Herder goed brûke kin om út de benaude degradaasjesône te kommen.