Top minygolf nei Appelskea

Yn Appelskea wurdt fan 7 oant en mei 10 augustus it Europeesk Kampioenskip minygolf foar senioaren hâlden. Mei dielnimmers út tsien lannen is it ien fan de grutste eveneminten yn syn soart. De minygolfklup Appelskea is ferantwurdlik foar de organisaasje. Dy hat de golfbaan der spesjaal foar opknapt. Sa is der nij filt lein en is de boel ferve. De klup hat mear as in jier dwaande west mei de tariedings.