55 plysjesaken anonym oplost

Yn Fryslân binne yn 2012 yn totaal 55 plysjesaken oplost mei help fan Meld Misdaad Anoniem. Mei-inoar krige de Fryske plysje 363 meldings. Yn 2011 wiene dat in lyts twintich minder. De plysje wurdt foaral tipt oer himpkwekerijen, drugs, ûnferantwurde rydgedrach en yllegaal fjoerwurk. Fan de tips wie 99 prosint yn Fryslân brûkber. Dêrfan is by 83 prosint fierder ûndersyk dien.