Advokaat kin sûnder tolk

05 des 2012 - 17:15

By de rjochtsaak tsjin Jasper S. út Aldwâld wurdt net wer gebrûk makke fan in Fryske tolk. Yn alle gefallen net troch de ferdigening. Dat seit de advokaat fan de haadfertochte yn de saak Vaatstra, Jan Vlug, út Deventer. Twa wiken lyn, by de sitting by de rjochter-kommissaris, wie op fersyk fan de rjochtbank wol in Fryske tolk, mar dy kaam doe net yn aksje. Neffens Vlug kin Jasper S. him by de rjochter prima útdrukke yn it Nederlânsk. In kantoargenoat fan Jan Vlug is fan Fryske komôf. Hy advisearret Vlug oer spesifyk Fryske saken.

It is de advokaat opfallen hoe folle emoasjes de saak yn ús provinsje opropt. Mei de fertochte Jasper S. giet it nei omstannichheden ridlik, seit Jan Vlug. Hy sit no trije wiken yn beheining. Dat betsjut dat hy allinnich mei syn advokaat en mei de plysje prate mei. It lit him riede hoe't it mei immen giet as dy gewoanlik as boer 18 oeren deis bûtendoar is, seit Vlug yn in reaksje.

Trefwurden: 
Diel dit berjocht op:
(advertinsje)
(advertinsje)