Nije masteroplieding by Wetsus

15 desimber 2011, 10:27 • 1 minút lêstiid

Wetterynstitút Wetsus wol takom skoaljier begjinne mei in eigen masteroplieding wettertechnology. Doel is om mei tritich studinten te begjinnen dy't har dwaande hâlde sille mei universitêr wetterûndersyk. De provinsje betellet acht ton oan de nije oplieding.

Op it stuit folgje al sa'n 30 earste- en twaddejiers studinten in spesjalisaasje wettertechnology by Wetsus. De masteroplieding wurdt dêr in ferfolch op. Wetsus wurket by de oplieding gear mei de universiteiten fan Grins, Twente en Wageningen.