Auto sjit ûnder frachtauto
By in ûngelok op de Haulewei by Winaam is tiisdeitemiddei in man ferwûne rekke. Hy ried mei syn auto achterop in stilsteande frachtauto, dy't by in hús stie te lossen. De brânwacht hat de man út de auto helle en dêrnei is hy mei de ambulânse nei it sikehús yn Ljouwert brocht.
De brânwacht hat de auto ûnder de frachtauto weilutsen. De frachtauto koe dêrnei wer fierder.
