Kramer feroveret WK-ticket op 5.000 meter, Roest rydt nij baanrekôr
Sven Kramer hat him sneontemiddei op it kwalifikaasjetoernoai yn Thialf op de 5.000 meter pleatst foar it WK ôfstannen. De mearfâldich olympysk kampioen waard mei 6.12,57 twadde. Ek Patrick Roest giet nei it WK. Hy ried mei 6.08,21 in nij baanrekôr.
Sven Kramer nei 5.000 meter op WKKT
Wat stiet der op it programma en watfoar tickets binne der te ferdielen?
Jorrit Bergsma fan Aldeboarn einige mei 6.13,82 as tredde, mar moat noch efkes yn de wachtkeamer, om't Nederlân it tredde startbewiis foar it WK noch fertsjinje moat by de twa wrâldbekers.
Op dy wrâldbekers mei hy yn elk gefal fan start gean. Ek Marwin Talsma fan Grou, dy't mei 6.13,86 mar krekt stadiger wie as Bergsma, en Marcel Bosker meie starte op dy wrâldbekers.
Bob de Vries fan De Haule, Bart de Vries fan It Hearrenfean en Ids Bouma fan Aldehaske kamen net yn de buert fan de ynternasjonale startplakken.
Utslach 5.000 meter
| 1. Patrick Roest | 6.08,21 |
| 2. Sven Kramer | 6.12,57 |
| 3. Jorrit Bergsma | 6.13,82 |
| 4. Marwin Talsma | 6.13,86 |
| 5. Marcel Bosker | 6.14,04 |
| 13. Bob de Vries | 6.25,89 |
| 15. Bart de Vries | 6.30,67 |
| 18. Ids Bouma | 6.34,23 |
