Hea! is op syk nei ‘Jo momint’

Jo kinne it fêst wol: ‘samar in momint’ oan de ein fan it programma Hea!. Dat kin fan alles wêze, mar it is altyd genietsjen fan in prachtich momint út ús provinsje. Fan no ôf kin it samar sa wêze dat jó momint ek te sjen is op telefyzje.

It programma Hea! makket reportaazjes oer gewoane minsken mei bysûndere ferhalen. Fêst ûnderdiel fan it programma is ‘samar in momint’. Oant no ta stjoerde Hea! syn kameraminsken de provinsje yn om moaie mominten op te nimmen. Mar no kinne jo dat momint ek bepale!

Elkenien kin fan no ôf in eigen momint fan de dei ynstjoere.

(advertinsje)

Hoe wurket dat dan?

    • Filmje in momint dat moai is, dat jo rekket.
    • It byld moat minstens 40 sekonden stilhâlden wurde
    • Hâld jo telefoan lizzend (net fertikaal filmje!)
    • It moat in filmke wêze fan in net-regissearre momint dat yn ien kear opnommen is
    • Stjoer dit filmke yn in privee berjocht nei Facebook.com/omropfryslan
    • Set yn it berjocht jo namme en wêr’t it filme is
    • Tip!: brûk in wifi-ferbining. Dat besparret mobile data

    Filmje NET fertikaal mar WOL horizontaal

    Ynspiraasje! Foarbylden fan in tal mominten

    Alle tongersdeis stjoere wy ‘Jo Momint’ út, en dêr kin dy fan jo ek bysitte! Wy kinne net tasizze dat alle ynstjoerde mominten ek útstjoerd wurde.

    Hea! is alle moandeis oant en mei tongersdeis fan 17.35 oere ôf alle oeren op Omrop Fryslân Telefyzje te sjen. Mei alle tongersdeis ‘Jo momint’ oan de ein fan de útstjoering.

    (advertinsje)