Fryslân sûn

Goed ite en mear bewege! Mar foaral ek: sûn ite en op de goede wize bewege. Wa wol dat no net?
Fryslan sûn jout jo tips oer hoe dit te dwaan. Sadat we mei-inoar sûner en fitter wurde.

Mei tv-kok Reitse Spanninga en diëtiste Lysbeth Rubingh.

(advertinsje)

Resept fan de wike: Salm mei krûdekoarst op syn mediterraansk

foar 4 persoanen:

  • 4 stik salm mei hoed
  • 200 gram ferskate farske krûden
  • 20 oliven
  • ½ spaanske piper
  • 3 ytleppels drûge bôlekrommels, of panearmoal
  • raspe skyl fan sitroen
  • 75 gram raspe âlde tsiis
  • speltpasta
  • oliifoalje
  • tomaten en koerzjette

Beknipte wurkwize:

Doch sâlt en piper út 'e mûne op it rôze fiskfleis
Lis de salm op in bakplaatsje mei it fel nei ûnderen
Krûden fyn snije, oliven hakke, spaanske piper snije en minge, mei panearmoal, yn in ytlepel oliifoalje om der in sjeuïch krûdemingsel fan te meitsjen en in bytsje sitroensop en rasp fan de skyl
Lis boppe op 'e salm in laachje krûden
Doch der raspe tsiis oer
Sied de pasta, neffens de oanwizingen en hâld de pasta waarm

De salm fiif minuten yn in oven fan 180°C, optsjinje mei de pasta en de grienten

  1. Yt in protte griente, fruit, folkoaren produkten, pûlfruchten, nuten, fisk en oliifoalje.
  2. Yt minder fleis, sûker en bewurke produkten
  3. It is net allinnich in manier fan iten, mar in manier fan libjen: beweech in protte en ûntspan dêrneist geregeld alle dagen.
  4. Brûk net te folle sâlt, mar leaver in protte krûden.

Wat is Fryslân sûn? Syb leit út!

(advertinsje)