Op sneon 19 novimber waard yn it Noard-Italiaanske Udine Liet Ynternasjonaal hâlden. Dirk Hofstede en Albert Jensma reizgen mei om ferslach te dwaan fan dit 'oare' Europeeske sjongfestival. In nijsgjirrich treffen, want oan dit festival dogge allinnich artysten mei dy't muzyk meitsje yn in minderheidstaal. Sy komme út streken dêr’t it trochstrings klauwen is om de memmetaal oerein te hâlden en yn guon gefallen minder as 10.000 minsken de taal noch prate. De dielnimmers kamen út ûnder oare Udmûrtsië, Friûlië, Karelië, Baskelân, Laplân, Fryslân, Switserlân, Ierlân, Skotlân, Asturië en de Italjaanske Dolomiten.
In ferrassende reis. Want de bedoeling fan de makkers wie in portret te meitsjen fan de Fryske dielnimmer Janna Eijer (22) fan Jobbegea. Mei de hope dat se heech einigje soe. Mar se wisten ek dat dy kâns lyts wie, omdat guon oare dielnimmers al jierren as professional muzyk meitsje. Mar as Janna dy jûns as ien fan de lêsten mei har nije high heels pumps it poadium opknoffelet en foarsichtich efter de fleugel skoot, wurdt it hiel stil yn de seal. Fjouwer minuten letter folget in applaus dat net wer ophâldt. De sjuery stiet fersteld.
|
Brân by Lankhorst yn Snits
17 mei 2012 - 12:50 |
|
Frou omkaam by brân Kollum
17 mei 2012 - 10:24 |
|
Blomkemerk Ljouwert los
17 mei 2012 - 09:07 |
|
Nei 16 jier wer in nij skip
16 mei 2012 - 20:44 |
|
Rom baan foar Keninginne
17 mei 2012 - 15:49 |
Wat fine jo derfan?
antwurdapparaat: 058 7009 777
Of fol hjir it formulier yn.
